Hemilton Türkiyədə cəzalandırıldı

"Mercedes" komandasının pilotu Lüis Hemilton Türkiyə Qran-prisində cəzalandırılıb.

Autoinfo.az-ın məlumatına görə, buna 36 yaşlı sürücünün bolidində daxili yanma mühərrikinin dəyişdirilməsi səbəb olub. Güc qurğusunun digər komponentləri isə toxunulmaz qalıb.

Britaniyalı pilot əsas yarışın start düzülüşündə 10 mövqe itirəcək. O, ən yaxşı halda Qran-priyə 11-ci sırada başlaya biləcək.

Qeyd edək ki, Türkiyə Qran-prisi oktyabrın 10-da gerçəkləşəcək. Lüis Hemilton ümumi sıralamada 246,5 xalla liderdir. "Red Bull"dan Maks Ferstappen (244,5) ikinci, Hemiltonun komanda yoldaşı Valtteri Bottas (151) üçüncüdür.

RƏY BİLDİRİN